DSCF2932.jpg

自製豆沙餡

因為想整南瓜餅~又想整兩隻餡無咁寡~決定左整南瓜吉士餡同埋豆沙餡!
所以今日要整左豆沙先,原來都唔難整的。
係有d麻煩。

材料:
紅豆
沙糖
煲湯魚袋 - 兩個


煮法:
- 先將紅豆用水浸一晚
- 第二朝將浸過既紅豆放入電飯煲,加水到至手腕(手掌按住紅豆),之後按製。
- 將電飯煲焗佢最少30分鐘(我就早上十點多煲,之後再訓...由他.....01.gif )
- 如果覺得d豆未夠淋,可再重覆多一次!
- 將煮好的紅豆放涼(我用碗裝起後,放在一個裝了冰水的鍋中放涼)
- 將兩個魚袋加併為一(即係一個放入另一個裡面)
- 將紅豆加入袋中,用扭毛巾的方法將紅豆中的水份一點一點壓出來。
  (由魚袋的開口開始,向下扭,扭至紅豆處就像扭毛巾一樣大力壓出水份)
- 將紅豆扭乾後就可以開鑊(記得開細火22.gif )
- 加油(我加花生油),之後加紅豆,加糖,炒至糖溶乾身。
  (糖要逐少逐少加,因為每人口味唔同,要不停試味至自己喜歡的程度即可,我試左7,8次....09.gif )
- 之後將豆沙放涼,再放入雪櫃即可。


    全站熱搜

    老娘(_oldlady_) 發表在 痞客邦 留言(0) 人氣()