大鄉里出省: 北海道道央九日八夜之旅 Day 5 – 稻穗

 

  

一早起身,望出窗外,d人開始返工返學~

天都未光得晒  

 

 

訓唔番就起身梳洗去食早餐~

dormy in個早餐出名正,有晒心理準備既我,

去到食堂都仲係好surprise…     

仲正過係香港食buffet…     

 

一般日本熱葷一定有啦

仲有湯品

 

西式早餐,麵包

  

有廚師即製奄列,煎蛋同窩夫  

  

甜品同生果

 

最正係自助的海鮮丼,

雖然選擇唔叫好多,但任你食已經好正  

就算每樣食少少….都食唔晒  

   

呢碟係某人拎既

佢食左幾轉,話咩都試下

齋蛋都有太陽蛋同溫泉蛋,仲有個奄列   

個奄列有蛋汁的,勁好食   !

  

佢仲試左納豆….

我同佢都接受唔到….唔係臭

你果陣發酵味真係勁到你入唔到口  

   

我就重點海鮮丼,

少少飯,瘋狂刺身,再加隻溫泉蛋

!!!!完美~  

 

但一早起身個胃未醒

真係食得唔多

食完個飯已經飽左8….

結果好多野都無試 

所以下次可以再黎!!!!

(如果有機會  )

 


 

食飽上番房抖又周圍影下

     

其實間房無咩特別,日本間間酒店個特點就係細而五臟俱全  

加上我地無行李,更加無咩所謂

  

浴室我都無用,因為我呢次日日都去大浴場沖涼..之後浸浴

自動廁所一定係正,我都想係香港有番個 

   

個窗外風景對正jr駅,仲有一層層民居,

望出去好舒服呆坐左一陣….

  

等到10點幾我地就check-out

因為尋晚我終於係小樽搵到個生鮮超市  

但關左門,今朝一定要行!!!   

  

搭電梯走果時又發現左日本人真係好細心

係架細細既lift竟然有張櫈入面仲有dlift既急救用品….

真係諗都無諗過

  

一入到去個超市….我係痴左線

因為我未去之前真係做左好耐功課都搵唔到邊度有

所以真係開心到痴左線  

行左幾十個圈….

所以係完全無心思去影相

真係粗粗地影左兩張

 

   

呢張係因為個白老牛真係好抵

百幾蚊ja….白牛老喎…..

頂級和牛喎  

好想即刻買個鍋仔返酒店打邊爐….

但之後仲有行程…..

 

日本超市真係好好行,就算唔買野

都可以行好耐

我行左差唔多有兩個鐘

超市其實係一個商場入面,個商場仲有幾層

係家電呀,雜貨呀,都係超好行

好行過手信街呀唔好講笑….

 

個商場正正就係jr駅對面ja~

超好搵….

 

行到夠晒皮我地先出發去另一個點

因為我地今日只有一個行程,就係位於稻穗既二手店,  

因為幾年前我地去東京行過一間二手店,

D野好抵,深深吸引草根既我倆

呢次去北海道,點都要去朝聖一次

做過功課,最近既就係稻穗,

仲係正小樽同札幌中間,

所以就排左係今日去….

比足時間自己行,行到夠…(結局真係行到無晒力先走  )

       

 

小樽沿途既風景都係好靚

好夢幻….

   

 

大概住左20分鐘就到,一落車係呆左

真係超荒蕪,連出閘位個閘口都無入票位….

出到去…..

只見一片白濛濛….咩都無,連行人路都無

即時google map一下,好彩都係行15分鐘

雖然落住雪,我地就體驗左無咩人既北海道….

  

 

已經比雪封左既河…..

 

已經比雪封左既遊樂場….

  

 

成個世界都無咩人,

得我地兩個其實都幾過癮….

(雖然行到中途某人跌左隻手套唔知行行下先發現先走番轉頭

好彩搵得番  )

    
 

全靠google map,我地終於搵到二手店

入面d野又係超抵

最平200yen一件褸….係一件褸  

 

比個例子,chopper一個figure都係500yen ja.

我買左個紫晶原石都係1000yen

成個二手店有兩層,超大

又無咩人,任你試任你揀

我地行左都有3個鐘買左十幾件,

本身係唔只的,但出面落緊大雪,再買我地拎唔到

走唔到  

 

 

如果自駕應該可以買得仲多

不過無所謂啦….都已經好開心,有得買平野  

 

行完返到札幌已經過晒lunch time

個肚好餓,就去左地下街d超市買『少少』野食

同去左食墨魚丸….

唔覺唔覺都買左幾多下  

  

買左條咖哩飯卷,

   

天婦羅餅,雞軟骨同串燒

味道無咩特別..

不過可能人地本身係比主婦買番屋企做

所以係無番熱,我地食果時係凍既  

  

係得個墨魚丸係熱辣辣……好好食

 

食飽飽『又』行超市

見到有條超長既人龍….走去前面望一望,好似係有野出爐

  

應該係果個時段先有,有兩款:芝士包同蘋果批 

就咁睇蘋果批個酥皮吸引d~

所以就買左做第二日既早餐  

 

之後都係番酒店放低d野,抖夠就行去狸小路行下街

其實見到有多夾公仔鋪,好想去玩

但諗起都幾嘥錢又卻步  

 

晚餐因為之前食既野未落格,諗住食串燒少少地

本身係去食一平的,但原來只招待會員   

退而求其次就去了串鳥

       

D野又平又好味,都係100-200yen一串,

少少地又唔會好飽,

 

可以望住佢燒,又唔會大煙燻到你  

加埋有得飲下酒,吹下水都幾正

不過係個位窄d,就算除埋褸都係坐得幾辛苦….

我係香港無去過呢d,但好似都唔平…. 

不過係香港我真係無咩出街既意欲,好多人、好迫…..透唔到氣  

食完大滿足就行番酒店早早訓覺準備聽日去睇企鵝了  

arrow
arrow
    全站熱搜

    老娘(_oldlady_) 發表在 痞客邦 留言(0) 人氣()