大鄉里出省: 北海道道央九日八夜之旅 Day 4 - 小樽 (一)
(都係寫番口語快手d)
今日我地去既地方就係每個人第一次去北海道都去會去既---小樽
聽講條運河好浪漫…好靚….
加埋雪景…wow…
不過講真，老娘好大程度係為左佢個魚生飯同街市!!!
------------------------------------------------------------------------------------------
今朝無book酒店早餐，
本身係因為我要留肚之後去小樽的三角市場吃早午餐
亦都好彩無book~因為唔好食!
不過早早無理由空肚出發
就食左尋晚襯Mister Donut特價時段買既兩位個donut~
每晚好似6:00過後就有一部份100yen一個，超抵!
我食左幾次!
今晚會係小樽住一晚，所以先check out，寄存行李之後出發!
其實大部份人都唔會選擇係小樽過夜，
因為只有45分鐘車程~
你食埋飯睇埋運河夜景再搭jr回去都好輕鬆!
但我住一晚係為左小樽dormy inn既燈之湯，
同埋我真係好想佢個無敵豐富早餐
小樽dormy in比札幌平d~又可以滿足我
反正我都要夜車回去，就不如住一晚吧!
札幌去小樽我jr其實好密，每半個鐘就有車，而且搭既好多都唔係旅客，很多當地人返工放工~
某人真係pad癡…唔放過每一個坐低既機會
三角市場就係jr小樽駅隔離，勁大隻字，你一定睇到的!
因為早，所以市場都無咩人，我地來來回回行左2-3次(真係其實佢真係得一條小路，1分鐘就行完!)，就求其揀左間入去食
本身係想食皇帝蟹既，但記得好似要五百幾蚊隻，同埋兩個人食唔晒
食得晒都食唔落其他野….
所以都係食魚生飯算~(但如果我有機會再去就一定會食蟹，因為我見對面檯一家真係食得好happy…
)
點左餐，就會先來一客小吃(唔洗錢的!香港一碟花生仔都要$10
)
，呢個係帶子裙邊，好好嚼，但飯前就怪怪地，因為都幾un胃，
用黎送酒就一流!
先來一客我至愛既牡丹蝦刺身，
重點係佢個頭，d蝦膏真係美味無比…
之後叫左丼飯，佢會跟一碗湯，某人要左
但我無要，我另外叫左個蟹湯比自己滿足下想食蟹既心
普通例湯
蟹件麵豉湯
碗湯真係超多蟹，當然肉質同即劏蟹係無得比
但湯頭係好鮮甜的!
而且只係300yen ja……
十幾蚊港紙有碗滿滿蟹件既麵豉湯
齋飲個湯已經覺得超抵!
好，主菜係丼飯~
我就叫左最愛既海膽魚子丼，頭半碗係超級無敵美味
但因為後半碗開始飽
…某人係唔食海膽魚子既….
美味減半，但真係好海鮮…比我幾年前係築地食既更新鮮
個海膽一叮點腥都無，好creamy好鮮甜!
(講起又肚餓…..)
某人叫左雜錦海鮮丼，呢個抵食…咩都有d
亦唔會因為係雜錦，d料就差d~質素係一樣!
隻牡丹蝦同散叫一樣大，海膽同魚子既質材同我果碗亦係一樣
無記得雜錦海鮮丼係平d的，所以如果budget有限，
但咩都想試既朋友，可以揀呢個!
食飽飽就要去遠少少既地方，
北海道要搵個街坊超市都難，何況生鮮市場
去之前已經做左功課，小樽有個小型早市，
叫鱗友朝市，每日開到下午2點就收，
位置離遊客區都有少少遠，離小樽jr行30分鐘左右
但對老娘黎講，30分鐘，可以遠離遊客區睇下，
仲有得行街市tim，真係無難度
只要有google map，真係無地方行唔到去，
行番出運河，向北一直行其實就到
不過我地兜左去民居度周圍望下先
成個世界都係雪….(冰地很滑，所以要好小心行!)
連汽水機都比雪封左…
封左出汽水個位
老娘有嘗試過去開….
係失敗既….(差d自己起唔番身…. )
紅色郵筒….日本連個郵筒都係好靚…
有地產廣告….
唔知幾錢呢(我知同香港無得比……)
屋頂既自然冰柱真係好靚…..
行下行下就行番落運河
同遊客區唔同，呢度似係避風塘有d船泊係度，
有船主剷緊雪，仲問我地係邊度黎….
好舒服咁行左果30分鐘
雖然著住好多衫，但因為又無乜風
天氣又好，一d都唔累
其實鱗友朝市都係得一個細圈，又係一分鐘都行得晒…
仲要收得7788，我估晨早會熱鬧d
但d海味真係平d~平過三角市場，
我就係度大手掃貨…
其實都係買左少少乾瑤柱比屋企人…因為唔知香港價錢…
再買左日高昆布同零食
我諗真係無咩遊客去鱗友朝市
店主好熱情咁逐樣野叫我地試….
我又唔好意思，因為唔係樣樣都買
最後影左張相…
大家有去開小樽都可以去行下，幾得意，d野又平!
留言列表
老娘遊蹤 (3)
